Hondbóltur

H71 og VÍF skulu gera arbeiði liðugt

Kvinnurnar hjá H71 kunnu í kvøld spæla seg í sína fyrstu finalu - VÍF kann koma í sína triðju á rað. Seinnu hálvfinalurnar í Faxe Kondi kappingini verða leiktar klokkan 18.

Súna Krossteig Hansen og Kyndil hava eina stóra uppgávu fyri framman í Vestmanna í kvøld (Mynd: Sverri Egholm)

Súna Krossteig Hansen og Kyndil hava eina stóra uppgávu fyri framman í Vestmanna í kvøld (Mynd: Sverri Egholm)

2020-02-08 15:25 Author image
Agnar Prestá
placeholder

Tað skal eitt ordans hál til hjá Neistanum og Kyndli, um seinnu hálvfinalurnar hjá kvinnunum í Faxe Kondi kappingini skulu gerast heilt spennandi. Mikukvøldið vunnu H71 og VÍF 24-19, og tí hava hesi bæði liðini nú eitt bein í hálvfinalunum. 

H71 hevur ongantíð rokkið einari finalu á kvinnusíðuni, og tí kann talan gerast um eitt stórt kvøld hjá hoyvíkskvinnum í høllini á Hálsi. Neistin skal av álvara tálma Maritu Mortensen og Mariu Halsdóttir Weyhe og fáa gongd í málskjótingina í hinum endanum, um tær bláu skulu gera sær vónir um at koma í steypafinaluna. 

[object Object]
Marita Mortensen skoraði ein triðing av málunum (8) hjá H71 í fyrru hálvfinaluni (Mynd: Sverri Egholm)

Kyndil skal av álvara gera bart í Vestmanna.  Tær í gulum og bláum runnu frá steypavinnararunum í Havn mikukvøldið og vunnu 24-19; og tí sær tað sera trupult út hjá Kyndli, ið hevur verið í trimum teimum seinastu finalunum. VÍF hevur verið í finaluni trý útav teimum seinastu fýra árunum. 

Seinnu hálvfinalurnar í Faxe Kondi kappingini hjá kvinnum 
Leygardagin 18.02
(18.00) 
VÍF (24) - Kyndil (19) (Kann stroymast á kvf.fo)
Neistin (19) - H71 (24)  (KVF vísir dystin í sjónvarpinum)


placeholder
placeholder