Hæddarpunkt: Elias við høggi í leysari luft

Vit hava sæð hann gjørt tað fyrr: Í ymiskum landsdystum og til dømis eisini í bronsudystinum í European League í fjør.

Sí eisini: Elias var flúgvandi í bronsudystinum (Video)

Miðskeiðis í 2. hálvleiki gjárkvøldið gjørdi nummar 71 tað aftur fyri Keil: Inn móti verjuni við ferð, uppfrá og síðani í løgnari og "fimari" kropsstøðu, hálvgum flúgvandi og hálvum lenandi, vann Elias Ellefsen á Skipagøtu sær ein vinkul og fyrimun á flottan hátt. Síðani, og hetta sá næstan út til at alt vera í somu rørslu, høgdi føroyingurin bóltin í netið hjá Erlangen.

Elias økti við hesum málinum til +3. Kiel vann við tveimum málum og vann 31-29 í 1. umfari í Bundesliguni.

Føroyski spælskiparin skoraði seks mál, næstflest í dystinum, og legði upp til fimm. 

Sí eisini: Elias á Skipagøtu við í nógvum málum í 1. umfari