Hákun dagsins spælari og javnsettur toppskjútti

Berlin, Týskland (Portalurin) - Føroyar vóru væl við tað mesta av dystinum móti Slovenia og eisini á odda til tíðir frammanfyri stóru og fantastisku føroysku áskoðarafjøldini.

Ikki óvæntað vóru tað Elias Ellefsen á Skipagøtu og Hákun West av Teigum, ið gingu á odda, hvat málskjóting viðvíkur. 21-ára gomlu hoyvíkingarnir í Bundesliguni skoraðu níggju mál hvør. 

Elias legði eisini upp til fleiri mál hjá Hákuni - nakrar fríspælingar út á vongin vóru heilt flottar. Elias á Skipagøtu brendi tó heldur nógv skot - seks sambært EHF.

Høgri vongurin hevði høg prosentir. Klemin Ferlin í slovenska málinum hevði tvær stórbjargingar móti Hákuni, men annars var nummar 17 tryggur.

Hákun varð eisini valdur til dagsins leikara av áskoðarunum og varð stórliga heiðraður av serliga mongu føroysku áskoðarunum. 

Føroyska liðini skoraði 29 mál og spældi seg til fleiri aðrar góðar møguleikar. Samanlagt brendu okkara tó 16 ferðir, og er hetta ov nógv, um slíkir dystir skulu vinnast. Føroyar skoraðu uppá líka yvir helmingin av skotunum móti slovenska málinum. 

Føroyskir málskjúttar í 29-32 tapinum:
Elias Ellefsen á Skipagøtu 9 (3) - 15 skot
Hákun West av Teigum 9/11 – Dagsins spælari

Teis Horn Rasmussen 3
Óli Mittún 2
Vilhelm Poulsen 2
Tróndur Mikkelsen 2
Leivur Mortensen 1
Rói Berg Hansen 1

(Brend skot: 16 = 55 prosent)