Fótbóltur

Hallur Hansson avgerandi í Horsens-sigri

Føroyski miðvallarin er í gongd við eitt sera gott kappingarár í Horsens. Í dag skoraði hann og legði upp.

Hallur Hansson her fagnaður sum málskjútti á Tórsvølli í sigrinum á Malta. Í dag skoraði hann fyri Horsens
(Mynd: Jens Kr. Vang)

Hallur Hansson her fagnaður sum málskjútti á Tórsvølli í sigrinum á Malta. Í dag skoraði hann fyri Horsens (Mynd: Jens Kr. Vang)

2018-09-16 15:25 Author image
Agnar Prestá

AC Horsens vann í dag 3-2 á heimavølli móti AGF, og føroyingurin hjá Horsens spældi ein avgerandi leiklut. 

Innan fyrsta korterið høvdu bæði liðini skorað, og eftir hálvan tíma skoraði Søren Reese til 2-1 fyri Horsens, við Halli Hanssyni í leiklutinum sum uppleggjara. Beint fyri hálvleik økti heimaliðið, og tá var tað Hallur, ið setti bóltin í netmeskarnar. 

AGF fekk minkað um munin tíðliga í 2.hálvleiki, men Horsens helt fast, og er í løtuni á 6.plássið, ið gevur atgongd til endaspælið, við 13 stigum.

Hallur hevur skorað trý mál í níggju dystum fyri Horsens í ár, og hann kom eisini  á máltalvuna á Tórsvølli móti Malta seinasta fríggjadag. 


Les eisini: Gilli sló til í Haugesund


placeholder
placeholder