Hálvmarathon á skránni í Eysturoynni leygardagin

Siðbundna Skechers Performance Nýggjárshálvmaraton 2024 verður runnið leygardagin 6. januar 2024.

Tað eru Roysnið og Skósølan við Gøtugjógv, sum skipa fyri kappingini. Hetta er vanliga tann fyrsta rennikappingin í nýggja árinum.

- Runnið verður frá brandstøðini á Skála, norðast í bygdini, kring Skálafjørðin og út á Toftir. Byrjað verður klokkan 11, og málið er niðanfyri ráðhúsið á Toftum.

Fyrireikararnir boða frá, at øll yvir 16 ár (fødd í 2007 ella fyrr) kunnu luttaka. Kappast verður bólkunum:

-Menn & Kvinnur (1979-2007)
-Menn & kvinnur veteranar (1969-1978)
-Menn & kvinnur superveteranar (-1968)

Tilmelding fer fram á heimasíðuni hjá Frælsum Ítrótti Føroya fif.fo ella við startin undan kappingini. Startnumrini verða heintaði á brandstøðini á Skála.

- Til ber at skifta á brandstøðini á Skála undan startinum, og skift verður í skúlanum á Toftum, tá komið er á mál. Har verður eisini drekkamunnur og heiðursmerkjahandan.

Kelda: Frælsur Ítróttur Føroya