Agnar Prestá
Hanus Sørensen er farin til slovensku steypavinnararnir, sum millum annað eru í Europa League.
Les eisini: Hanus Sørensen skiftir til slovensku steypavinnararnar
Aluminj spældi í kvøld fyrra dystin í 1. umfari í kappingini. Hann var móti Sherif Tiraspol, sum javnan stendur seg væl í evropeisku kappingunum.
Liðið úr Moldova, ella Transnistria sum sjálvstøðuga økið við Tiraspol, tók ímóti. Har spældi KÍ í røkkstøkkumfarinum (play-off) í 2023.
Tað endaði við málleysum javnleiki, og tað er gott úrslit fyri Aluminj , sum ikki hevur so nógvar royndir í evropeisku kappingunum. Talan er um gott útgangsstøði undan dystinum í Slovenia um eina viku.
Hanus Sørensen byrjaði á bonkinum, men kom í 78. minutti inn til sín fyrsta dyst fyri nýggja felagið.
25-ára gamli føroyski landsliðsspælarin spældi sum høgri vongbakkur.
Vinarliga broyt tínar kennifíla - og privatlívsstillingar fyri at síggja hetta innihald