HB er føroyameistari

Nervarnir sum HB-leikararnir møguliga føldi, og sum kanska vóru millum mongu heimaáskoðararnar, vóru helst skjótt burtur, tí tí vórðu ikki meira enn 70 sekund farin av dystinum, tá bólturin fyri fyrstu ferð lá í TB-málinum.

Tos um gummibein, sum á ein hátt hava verið at sæð tveir teir seinastu dystirnar, gjørdist als ikki relevant í dag, tí tá eitt korter varð leikt stútaði Mikkel Dahl fyri aðru ferð í dystinum bóltin í málið.

Myndir: HB - TB

Harfrá var ongantíð nakar ivi, hóast HB ikki beinleiðis blásti TB um koll í 1. hálveiki. Tað var tó við góðum tamarhaldi á støðuni, og eftir stegðin varð bygt uppá við tveimum skjótum málum. Mikkel Dahl fekk sítt hattrik, og danin, sum kom til HB í juli, hevur nú skorað 14 mál í sínum 12 dystum í Betrideildini. Hilmar Leon Jakobsen, hin áleyparin sum kom í hópin í juli, skoraði í dag sítt 12. mal.

Harvið endaði tað 4-0, og HB-liðið, sum kom at síggja nakað øðrvísi út enn fólk høvdu væntað í ár, setti eina feita striku undir FM-heiti. Hetta vísti seg tó ikki at verða neyðugt, tí KÍ tapti í Runavík. 

Talan er um annað meistaraheiti hjá HB uppá trý ár, tað 24. í søgu felagsins og ta áttanda í hesari øldini. Jens Berthel Askou hevur megnað at ført mest flaggskipið hjá mest vinnandi felagnum í føroyskum mansfótbólti á tindin aftur. HB hevur leygardagin møguleikan at krýna eitt frálíkt kappingarár við at koma uppum 70 stig, eins og í 2018, og kann vinna greipuna. Men fyrst skal føroyameistaraheiti hátíðarhaldast.  

26. umfar
1. november

HB - TB 4-0 (2-0)
2' Mikkel Dahl 1-0
15' Mikkel Dahl 2-0
54' Hilmar Leon Jakobsen 3-0
56' Mikkel Dahl

Myndir: HB - TB

NSÍ - KÍ 1-0 (1-0)
29' Klæmint Andrasson Olsen 1-0

Víkingur  - B36 1-3 (1-0)
14' Finnur Justinussen 1-0
47' Hannes Agnarsson 1-1
61' Erling Dávidsson 1-2
75' Sebastian Pingel 1-3

ÍF - AB 1-0 (1-0)
67' Uros Stojanov 1-0

17.00: EB/Streymur - Skála

Støðan í Betri deildini

1. HB (68 stig) 26 dystir
2. NSÍ (60 stig) 26 dystir
3. B36 (59 stig) 26 dystir
4. KÍ (58 stig) 25 dystir
5. Víkingur (44 stig) 26 dystir
6. ÍF (26 stig) 26 dystir
7. EB/Streymur (23 stig) 25 dystir
8. TB (15 stig) 26 dystir
9. AB (7 stig) 25 dystir
10. Skála (6 stig) 25 dystir