Sverri Egholm
NSÍ kvinnurnar luttóku í bestu kvinnudeildini fyri fyrstu ferð í nógv ár, og fingu í ár tvey silvurheiðursmerki. Tað er góðkent avrik, og felagið fyrireikar seg nú til næsta kappingarár.
Felagið kunngerð, at HB-málverjin seinastu tvey árini, 19 ára gamla Eyðgerð Rúnadóttir Mikkelsen, sum annars er av Toftum, verður framyvir at síggja í Runavík. Toftadaman hevur eisini gjørt seg galdandi á landsliðnum.
Eisini halda fleiri leikarar hjá silvurvinnarunum fram. Avtala er gjørd við Heidi Sevdal, Margunn Lindhólm, Moniku Samuelsen og málverjan Sjarlottu Joensen um at halda fram.
NSÍ skrivar, at ætlanin er at varðveita sama hóp til næsta ár.
-
Vinjard Johansen, Monika Samuelsen, Margunn Lindholm og Dánial Hansen (Mynd: NSÍ)
-
Vinjard Johansen, Heidi Sevdal, Sjarlotta Joensen og Dánial Hansen (Mynd: NSÍ)
-
Vinjard Johansen, Eyðgerð Mikkelsen, Dánial Hansen (Mynd: NSÍ)
Vinarliga broyt tínar kennifíla - og privatlívsstillingar fyri at síggja hetta innihald