HB til Suðuroyar og toppbrak í Klaksvík

Lutakast til undanumfarið og 1. umfar í kappingini um Løgmanssteypið var í 3-2 í kvøld.

Tað gjørdist greitt, at steypavinnararnir frá í fjør, HB, skulu ein túr til Trongisvágs. Eisini verður toppbrak við Djúpumýrar, har NSÍ kemur á vitjan hjá oddaliðnum í landskappingini, KÍ.

Heili 18 lið eru teknað til kappingina, og tí verður eitt undanumfar leikt mánadagin 5. apríl. Har gjørdist greitt at Royn og FC Hoyvík hittast í Hvalba, meðan MB og Undrið FF spæla í Miðvági.

1. umfar í kappingini verður leikt sunnudagin 18. apríl, og niðanfyri sæst yvirlit hvørjir dystirnir verða. Finalan verður í ár væl fyrr enn hon var í fjør, og verður longu 6. november.

Undanumfar 5. apríl
Royn-FC Hoyvík
MB-Undrið FF

1. umfar 18. apríl
B68-EB/Streymur
B36-AB
TB-HB
KÍ-NSÍ
07 Vestur-Vinnari 1 (Royn ella FC Hoyvík)
B71-Vinnari 2 (MB ella Undrið FF)
ÍF-FC Suðuroy
Víkingur-Skála