Agnar Prestá
Óvissa hevur alla vikuna verið, um tað fer at verða spælt í vikuskiftinum. Nú er greitt, at Kappingarnevndin hjá Fótbóltssambandinum metir, at kavin hevur og fer at órógva ov nógv.
Feløgini hava fyri lítlari løtu síðani fingið boð um, at allur vaksnamannafótbóltur í vikuskftinum er útsettur fyribils. Hetta er vegna veður, stendur í fráboðanini
Harvið er eitt umfar í Betrideildini hjá monnum útsett annað vikuskiftið á rað, og fara spælararnir harvið bert at hava spælt ein dyst, tá mars er av: Landsliðssteðgur er nú.
Hetta merkir eisini, at kvinnurnar møguliga ikki sleppa í gongd fyrr enn fyrst í apríl. Betrideildin skuldi byrja síðsta vikuskifti. Soleiðis var eisini við 2. deild hjá monnum. Umfarið hjá 1. deild, sum skuldi spælast í kvøld, varð útsett í gjár.
Óvist er nær allir hesir dystirnir skulu spælast. Fótbóltssambandið fer at koma við nærri kunning um hetta.
Dagført: 12.33
Vinarliga broyt tínar kennifíla - og privatlívsstillingar fyri at síggja hetta innihald