Hetta siga HSF og landsliðsprofilar um lutakastið

Hondbóltssamband Føroya kallar HM-lutakastið seinnapartin eitt gott og spennandi lutakast, har føroyska U21-landsliðið fer at fáa ymiskar avbjóðingar: 

- Talan er um ein spennandi og avbjóðandi bólk. Spania gjørdist evropameistari til EM í fjør, har Føroyar gjørdist nummar 10, meðan Japan vann asiatiska U21 endaspælið. Angola gjørdist nummar 4 í afrikanska endaspælinum

HM-endaspælið fyri U21 landslið verður spældi í Berlin, Magdeburg og Hannover í Týsklandi og í Athen í Grikkalandi, dagarnar 20. juni – 2. juli. Innleiðandi bólkurin hjá Føroyum er staðsettur í Magdeburg, høvuðsumfarið í Hannover og síðani vera  plaseringsdystir í Hannover ella Berlin, skrivar hsf.fo. 20, 21 og 23. juli spæla Føroyar móti ávíkavist Angola, Japan og Spania - sjálv dystarraðfylgjan er ikki komin uppá pláss enn - í bólki D

Les eisini: Favorittar at fara víðari saman við Spania

Viðurkenna stóru styrkina hjá Spania - ætla at enda við einum braki

- Eg haldi, at lutakastið sær spennandi út, og vit hava góðar vónir til at spæla okkum víðari úr bólkinum.Eg kenni ikki styrkjuna hjá hvørki Japan ella Angola, so tað er ringt at meta um, hvat fyri mótstøðu vit fáa har. Styrkina hjá Spania kenna vit væl, og teir eru allarhelst sterkasta landsliðið í okkara aldursbólki.

Soleiðis segði málverjin Pauli Jacobsen í viðmerking við Kringvarpið stutt eftir lutakastið. Hoyvíkingurin viðurkennir harvið, at evropameistarin sjálvandi vera ógvuliga sterk mótstøða, men spælskiparin og fyrrverandi liðfelagin upp ígjønum árgangirnar hjá H71 og í Skanderborg vísir til kurvabóltslegendu og tað, at góði árgangurin skal enda heilt væl:

- Vit hava sæð hasa Michael Jordan-seriuna, The Last Dance, og vit siga, at hetta er The Last Dance hjá U21-landsliðnum, so vit gleða okkum øgiliga nógv og ætla at enda við einum braki

Hesir spælararnir hava higartil megnað nógv stór ting saman (Mynd: HSF)