Annað

Høgni skal berjast móti teimum bestu

Luttekur í EM í taekwondo í Sofia í Bulgaria.

2021-04-08 11:47 Author image
Ingi Samuelsen
placeholder

Føroyski taekwondo kemparin, og stigtakarin til hesa ítróttina í Føroyum, 16 ára gamli Høgni Kunoy Dávason, skal komandi dagarnar luttaka í evropameistarakappingini í taekwondo, sum verður hildin í bulgarska høvuðsstaðnum, Sofia.

Í dag var Høgni vigaður í Sofia áðrenn hann skal út at berjast í sínum fyrsta EM-dysti, sum verður í morgin, skrivar taekwondofelagið Hwarang Føroyar á Facebook. Høgni skal kappast um EM-heitið í flokkinum, sum eitur -63 kilo.

Hóast Høgni hevur vunnið nógvar kappingar í sínum egna aldursbólki, so skal ikki roknast við nøkrum føroyskum heiðursmerki á hesum sinni. Tað skrivar pápi Høgna, Dávur Høgnason á Facebook-síðuni. Hann skrivar soleiðis:

“Høgni er 16 ár og fer at berjast móti heimselituni. Hetta eru menn í bestu árum, í Høgnasa vektklassa eru menn í eru ranked 1,2&3 í heiminum. Tískil er tað utopi at hugsa, at hann kemur heim aftur við metal um hálsin. Men hann fer at gera sítt besta og tað er ikki lítið”. 


placeholder
placeholder