Føroyska kvinnulandsliðið skal fyrst í apríl spæla tveir venjingardystir í Luksemborg, sum liður í fyrireikingunum til UEFA Nations League, sum byrjar tíðliga í heyst.
Í vikuni varð kunngjørt, at Signe Pries Andersen fer at taka við starvinum sum høvuðsvenjari hjá føroyska kvinnulandsliðnum. Hon skal tó gera starvstíðina í DBU lidna og byrjar formelt hjá FSF 1. juni.
Signe Pries Andersen saman við forsetanum í FSF, Christiani Andreasen, eftir at sáttmálin varð undirskrivaður í vikuni (Mynd: Fótbóltssamband Føroya)
Hon verður tó partvíst við til uppgávuna í Luksemborg, har hjálparvenjarin, Svenn Olsen fer at hava ábyrgdina av liðnum. Tað er eisini hann, ið hevur staðið fyri at taka hópin, sum nú er kunngjørdur, út.
Fótbóltssambandið vísir á, at talan er í stóran mun um spælarar úr heimligu kappingini. Kortini eru tríggjar, ið spæla uttanfyri landoddarnar til dagliga: Julia Naomi Mortensen og Jensa Tórolvsdóttir, ið spæla í Danmark, og Ásla Johannesen, ið spælir í svenskum fótbólti.
Hópurin:
Margit Kwao, 07 Vestur
Julia Naomi Mortensen, AaB (Danmark)
Olga Kristina Hansen, B36 Tórshavn
Valborg Østerø, B36 Tórshavn
Lea Símunardóttir Lisberg, EBS/Skála
Jensa Kannuberg Tórolvsdóttir, FC Thy – Thisted Q (Danmark)
Sarita Maria Mittfoss, HB Tórshavn
Sunneva Willemoes, HB Tórshavn
Rúna Jacobsen, HB Tórshavn
Óluva Allansdóttir Joensen, KÍ Klaksvík
Birita Ryan, KÍ Klaksvík
Tórunn Højgaard Joensen, KÍ Klaksvík
Sanna Svarvadal, KÍ Klaksvík
Eyðvør Klakstein, KÍ Klaksvík
Tóra Mohr, KÍ Klaksvík
Rebekka Benbakoura, KÍ Klaksvík
Sara Samson Lamhauge, NSÍ Runavík
Rúna Olsen, NSÍ Runavík
Heidi Sevdal, NSÍ Runavík
Ásla Johannesen, Piteå IF (Svøríki)
Maria á Lakjuni, Víkingur
Mona Rasmusdóttir, Víkingur
Vinarliga broyt tínar kennifíla - og privatlívsstillingar fyri at síggja hetta innihald