Hoseth: - Tað vera broytingar í byrjanaruppstillingini

Fyri einari viku síðani spældi KÍ ein frálíkan evropeiskan dyst á heimavølli móti ungarska stórfelagnum Ferencváros. Tað endaði málleyst millum føroysku og ungarsku meistararnar, og útfrá málmøguleikum og dystarmynd var tað KÍ, ið burdi vunnið, um ein vinnari skuldi verið funnin. 

Ferencváros er tó framvegis stórfavorittur og kann avgera alt við sigri frammanfyri umleið 20.000 áskoðarum. Hóast Magne Hoseth staðfestir, at tað verður ógvuliga trupult móti liðnum, ið hevur verið í evropeiskum bólkaspølum fleiri ár á rað, so hevur norski høvuðsvenjarin hjá KÍ góðar vónir. Hann væntar, at sítt lið aftur fær skapt stórar møguleikari móti Ferencváros:

-  Tað er einki at ivast í, at vit eru ímóti einum góðum mótstøðuliði og koma at vera undir trýsti í stórum partum av dystinum - men kenslan er góð, og eg havi fult álit á at leikarnir fara at gera sítt allarbesta. 

- Dysturin í síðstu viku er farin, vit hyggja frameftir ímóti stóru avbjóðingini á Groupama Arena í morgin, har vit meta at vit kunnu gott skapa kjansir eins og í seinasta dysti - men vit mugu taka av. Umstøðurnar eru góðar, leikvøllurin er framúr við góðum umstøðum, so leikarnir eru spentir uppá dystin, sigur Magne Hoseth við ki.fo.

Sí samrøðu við Magna Hoseth eftir 0-0 dystin í Klaksvík: - Errin av avrikinum hjá dreingjunum

Dagin eftir dystin við Djúpumýrar gekk leiðin hjá KÍ-hópinum til Danmarkar. Venjingarlega var á skránni í Herning-økinum frá mikudegnum til og við sunnudagin. Hesar dagarnar fekk KÍ brúkt væl, staðfestir vernjarin.