Hoseth: - Týdningarmiklasti dysturin í søguni hjá KÍ

- Soleiðis segði Magne Hoseth í byrjanini av tíðindafundinum á Tórsvølli seinnapartin. Hann var í samband við lyklauppgerðina, sum verður millum KÍ og Slovan Bratislava í Conference League-bólkaspælinum í morgin.

Í 2-1 dystinum í Bratislava legði Árni Frederiksberg upp til málið hjá KÍ. Tað var við frálíkum hornasparksinnleggi. 7'arin hevur tó leikbann hesaferð, og Portalurin spurdi venjarin hjá KÍ um, hvussu man handfarir hetta:

- Vit fara sjálvandi at mangla fantastiska fótin hjá Árna. Tað tað høvdu øll lið gjørd. Men vit hava nógvar høgar og sterkar menn, og eg trúgvi uppá, at vit skulu fáa góð innlegg inn í samband við millum annað deyðbóltar – Jákup (sum sat undir liðuni, red.) og hinir skulu nokk megna tað, staðfesti Magne Hoseth smílandi.

Mynd: Sverri Egholm

Í mun til seint í summar og í heyst, eru langt ímillum dystirnar hjá KÍ – kanska heldur leingi. Tjúgu dagar eru síðani dystin í Ljubljana, og bert nakrir spælarar hava spælt dystir síðani. Hetta var við landsliðnum.

- Tað er eitt sindur “Pre-Season” yvir tí hjá okkum. Vit hava sjálvandi havt fimm spælarar við landsliðunum, og tað hjálpir væl. Vit kunnu koma inn til hendan dystin við nógvari orku, meðan dystarrútma (matchfitness) manglar. Tað fer vónandi ikki at ávirka.

Jákup Biskopstø Andreasen: - Tað er nokso vanlig rútma hjá okkum, sum hava verið á landsliðnum, og vit hava fingið góðar dystir í beinini. Tað var nógv tos fyrr í ár um tøttu dystarskránna. Nú er tað næstan umvend støða, og tíð ertil at venja meira: Meira kilometrar í beinini og betri tíð at fyrireika okkum. Kanska tað fer at merkjast fyrstu løtuna, at KÍ ikki hevur dystarrútmu, men aftaná nakrar minuttir burdi verið fínt.




Myndir: Sverri Egholm