Agnar Prestá
Fýra lið skulu í kvøld og sunnudagin dystast um finaluplássini í Faxe Kondi kappingini hjá monnum
Hósdagin 14.02:
Fyrru hálvfinalurnar - menn
20.00: KÍF - Neistin
Kyndil - H71
Tað kann gerast talan um tvær ógvuliga tættar og inntensar uppgerðir, nú øll síggja sín møguleika at røkka steypafinaluni.
Neistin hevur havt takið á KÍF í ár. Teir bláu úr Havn hava vunnið tríggar ferðir á kollfirðingum. KÍF er tó vorið sterkari, sum kappingarárið er liðið. Serliga er tað, síðani Rùni Joensen kom afturat hópinum. Kollfirðingar bjóða av í stríðnum um at koma í topp-fýra í Okkara-deildini, og við góðum sigri í Vestmanna og teprum sigri á 2. liðið hjá Kyndli spældi KÍF seg víðari saman við H71. Neistin vann sín bólk við sigrum á StÍF, Team Klaksvík og Kyndli.
Kyndil og H71 hava spælt ógvuliga tættar dystir í ár. Hoyvíkingar vunnu tveir teir fyrstu 18-17, men fyri einum mánaði síðani vann Kyndil 28-26 í Stórhøllini. Bæði liðini hava 19 stig í Okkara-deildini (H71 hevur leikt ein dyst færri). Hoyvíkingar vunnu sín bólk frammanfyri KÍF, meðan Kyndil tapti fyri Neistanum og kom víðari sum tvey'ari.
Báðir dystirnir í kvøld kunnu stroymast á heimasíðuni hjá KVF.
Vinarliga broyt tínar kennifíla - og privatlívsstillingar fyri at síggja hetta innihald