Fótbóltur

Í kvøld skal HB royna seg í Youth League

Dysturin á Tórsvølli er tann fyrsti evropeiski dysturin innan ungdómsfótbólt hjá føroyskum felagi. Hann byrjar klokkan 19, er móti liði úr Luksemborg og verður vístur í Televarpinum.

Her síggjast U17-dreingirnir hjá HB í fjør eftir sigurin í steypafinaluna. Talan verður um eitt U19-lið hjá HB, sum spælir í kvøld (Mynd: hb.fo)

Her síggjast U17-dreingirnir hjá HB í fjør eftir sigurin í steypafinaluna. Talan verður um eitt U19-lið hjá HB, sum spælir í kvøld (Mynd: hb.fo)

2024-09-18 10:55 Author image
Agnar Prestá
placeholder

UEFA Youth League er ungdómsútgávan av Champions League hjá monnum. Áður hava bert feløg, sum hava lið í vaksnamannakappingini, luttikið, men nú er Youth League broytt.

Eitt føroyskt umboð hevur á fyrsta sinni fingið møguleikan at vera við. Talan er um felagið, sum vann U17-kappingina í fjør. Hetta var HB, sum í lutakastinum til 1. umfar fekk FC Progres Niederkorn í fyrsta umfarinum í Youth League 2024/2025.

Liðið úr Luksemborg vitjar Tórsvøll í kvøld. Dysturin byrjar klokkan 19, og ókeypis atgongd er til dystin, boðar HB frá.

Rás 1 hjá Televarpinum vísir søguliga evropeiska dystin.

Talan er um spælarar, ið eru í U19-aldri. Harav spæla nógvir hjá HB vaksnamannafótbólt - serliga við 1. deild - og nakrir av ungu monnunum eru partur av hópinum hjá besta liðnum. Oddur Olsen og Jákup Thomsen eru venjarar.

Liðini spæla aftur um tvær vikur í Luksemborg. Samanlagdi vinnarin fer víðari til 2. umfar og skal møta FC Midtjylland.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder