Fótbóltur

Javnleikur í Vági og í Høllini á Hálsi

VB fekk eitt stig, tá oddaliðið vitjaði, og StÍF fekk eitt stig við sær eftir góðan endaspurt móti Neistanum. Í Klaksvík vann H71 í málríkum dysti. Nú er støðgur í kappingini til síðst í februar.

H71 varð einasta liðið í dag, sum fekk tvey stig. Tað var serliga takkað 14 málum frá Janu Mittún, ið Stjørnan ikki fekk støðgað (Mynd: Sverri Egholm)

H71 varð einasta liðið í dag, sum fekk tvey stig. Tað var serliga takkað 14 málum frá Janu Mittún, ið Stjørnan ikki fekk støðgað (Mynd: Sverri Egholm)

2021-01-10 20:40 Author image
Agnar Prestá
placeholder

Fult umfar í SMS-deildini hjá kvinnum varð leikt seinnapartin. Eitt heldur merkisvert var, at tveir dystir endaðu við javnleiki.

Seinasta vikuskifti tapti VB fyri Stjørnuni, tá botnliðið vitjaði í VB. Í dag var oddaliðið Kyndil í VB-høllini. Hóast Nadja Pejovic skoraði heili 13 mál, so vórðu tvey mál í seinastu tveimum minuttunum hjá teimum í grønum neyðug fyri at fáa eitt stig við aftur til høvuðsstaðin: VB var á odda 23-21, men so skoraði Pejovic tvær ferðir.

StÍF vitjaði Neistan og eisini í Høllini á Hálsi fingu liðini eitt stig hvør: Neistin skoraði 12 ferðir í fyrra hálvleiki og 8 í seinni - StÍF skoraði átta ferðir í fyrra hálvleiki og 12 ferðir eftir steðgin. Tá fýra minuttir restaðu í, legði Neistin seg á odda 20-17, men útiliðið stríddi seg til ein javnleik við trimum teimum seinastu málunum í dystinum.

Í Klakvík komu yvir 60 mál. H71 var á odda allan vegin, men Stjørnan hekk væl í so at siga allan dystin. Millum annað eydnaðist 7 ímóti 6 spælið hjá heimaliðnum fyri tað mesta heilt væl, men í hinum endnaum eydnaðist tað ikki støðga sterku baktekuni hjá H71. Serliga var 17-ára gamla Jana Mittún í hopla. Hon fekk 14 mál, og H71 nærkast Kyndli.

Myndir frá dystinum

Hetta var seinasta umfarið í deildini áðrenn steypakappingin av álvara fer í gongd næsta vikuskifti. Harvið verður ein støðgur fram til endan av februar.  

Sunnudagin 10. januar:
Neistin - StÍF 20-20 (12-8)
Toppskjúttar: Haruka Gima 10 mál, Marjun Danberg 7 mál

VB - Kyndil 23-23 (14-13)
Toppskjúttar: Nadja Pejovic 13 mál, Helga Kjærbo 7 mál

Stjørnan - H71 29-33

Toppskjúttar: Jana Mittún 14 mál, Maria Halsdóttir Weyhe og Katrin Bertholdsen 8 mál

Støðan:
Kyndil 23 stig (14 dystir)
H71 21 stig (14 dystir)
Neistin 19 stig (14 dystir)
StÍF 14 stig (15 dystir)
VÍF 10 stig (13 dystir)
VB 9 stig (15 dystir)
Stjørnan 4 stig (14 dystir)


placeholder
placeholder