Jóhanna spældi stóran dyst móti PSG

18 ára gamla Jóhanna Fossdalsá Sørensen kann nú skrivað eina Champions League fjórðingsfinalu móti PSG á sítt lívsrensl.

Hon spælir við BK Häcken sum í kvøld hevði vitjan av franska PSG í Göteborg.

Gestirnir løgdu seg longu á odda í 23. minutti, men beint fyri hálvleik javnaði BK Häcken til 1-1, sum eisini var støðan í steðginum. Í 72. minutti skoraðu fronsku kvinnurnar og tryggjaðu sær fyrimun til seinnu fjórðingsfinaluna, sum verður í París 28. mars.

Stórtalentið úr Hoyvík fekk herfyri sínar fyrstu minuttir á danska A-landsliðnum. Tað var í einum venjingardysti móti Eysturríki.

(Mynd: DBU)

Les eisini: Jóhanna fekk fyrstu minuttirnar á danska landsliðnum

Les eisini: Jóhanna skal spæla fjórðingsfinalu í Champions League