Kappast í bogaskjóting um vikuskiftið

Hetta vikuskiftið er aftur bogaskjóting á skránni.

Í dag, leygardagin 20. februar, er kapping hjá børnum og ungum á skránni í hølinum hjá bogaskjótifelagnum Ørvur í Runavík. Kappast verður á 15 metra frástøðu. Sjey skjúttar luttaka.

Í morgin, sunnudagin, verður tað kappingin hjá teimum eldru, sum er á skránni. Tá skulu 12 skjúttar kappast í 18 metra frástøðu.

Kappingin verður í hølinum hjá bogaskjótifelagnum Tambar í Havn.

Báðar kappingarnar byrja klokkan 14.