KÍ føroyameistari fyri triðju ferð á rað

So var aftur gullregn við Djúpumýru. Kvinnurnar hava fyri einari tíð síðani staðfest sítt fimta føroyameistaraheitið á rað, og í dag kom FM nummar trý á rað hjá monnunum.

KÍ vann sum væntað greitt á ógvuliga skerdum ÍF-liði, har fleiri ungir og lokalir spældi fyri fyrstu ferð frá byrjan ella yvirhøvur í bestu deildini.

Heimaliðið var sannførandi fyri steðgin, har alt varð sett uppá pláss. Nakrir av "the usual suspects" stóðu fyri málunum. Dysturin byrjaði eitt korter seinni enn tann í Sarpugerði, og tá tað í 2. hálvleiki varð greitt, at Víkingur bara bygdi á leiðsluna, kundi FM-veitslan byrja uttanfyri vøllin við neyðblussum og øðrum.

Árni Frederiksberg hevði bóltin í málinum eftir ein tíma, men hjálpardómarin sá ikki, at bólturin var innanfyri. Harvið fekk nummar 7 ikki sítt hattrikk, men maðurin, ið kom inn fyri hann, skoraði til 5-0. 18-ára gamli Jóhan Josephsen fekk síðsta orðið og sítt fyrsta mál í fremstu røð. Áleyparin var ísakaldur, tá ein annar ungur lokalur innskiftari, Silas Gaard, sendi hann væl avstað, og so var stórur fagnaður.

Árni Frederiksberg og aðrir á bonkinum komu at fagna nýggja málskjúttanum (Mynd: Sverri Egholm)
 

(Mynd: Sverri Egholm)


(Mynd: Sverri Egholm)

5-0 sigurin var sum so ikki ov lítil eftir dystargongdini, og KÍ hevur aftur vunnið eitt føroyameistaraheiti á samanlagt tryggjan hátt.

Myndir og meira seinni

24. umfar í Betrideildini

Í dag, sunnudagin 1. oktober

KÍ - ÍF 5-0 (4-0)
6' Jóannes Kalsø Danielsen (Árni Frederiksberg)
31' Árni Frederiksberg 2-0
40' Páll Andrasson Klettskarð (Hallur Hansson) 3-0
42' Árni Frederiksberg (Patrick Da Silva) 4-0
88' Jóhan Josephsen (Silas Gaard) 5-0

Víkingur - B36 6-0 (1-0)
22' Poul Kallsberg (Olaf Bárðarson) 1-0
49' Olaf Bárðarson 2-0
58' Olaf Bárðarson (Poul Kallsberg) 3-0
75' Martin Klein Joensen (Ingi Jonhardsson) 4-0
79' Martin Klein Joensen (Sølvi Vatnhamar) 5-0
82' Martin Klein Joensen (Ingi Jonhardsson) 6-0

Sí eisini: Víkingur fullkomiliga eyðmýkti B36

TB - EB/Streymur 0-1
5' Bergur Poulsen (Virgar Jónsson) 0-1 

Í gjár, leygardagin 30. september

07 Vestur - AB 2-1 (2-0)
20' Oddur í Haraldstovu í Petersen (Mathias Voss) 1-0
31' Oddur í Haraldstovu í Petersen (Jasper van der Heyden) 2-0
66' Brian Jakobsen (Marius Kryger Lindh) 2-1

Sí uppstillingar og annað her

HB - B68 3-3 (2-2)
3' Adrian Rúnason Justinussen (Heri Hjalt Mohr) 1-0
21' Mikkel Dahl (Dan í Soylu) 2-0
32' Ragnar Samuelsen (Alex Mellemgaard) 2-1
45 (+1)' Jørgen Nielsen 2-2
55' Matthias Præst Nielsen (Adrian Rúnason Justinussen) 3-2
90' Aleksandur Ólavsson Jensen (Alex Mellemgaard) 3-3

Sí eisini: B68 gjørdi bart í Gundadali- AB í stórum trupulleikum

Støðan:

1. KÍ 65 stig (24 dystir)
2. B36 53 stig (24 dystir)
3. Víkingur 51 stig (24 dystir)
4. HB 49 stig (24 dystir)
5. 07 Vestur 37 stig (24 dystir)
6. EB/Streymur 24 stig (24 dystir)
7. B68 21 stig (24 dystir)
8. TB 16 stig (24 dystir)
9. ÍF 15 stig (24 dystir)
10. AB 13 stig (24 dystir)