KÍ og Víkingur skulu sleikja evropeisku sárini

Tað var eitt tungt hóskvøld fyri føroyskan fótbólt, tá KÍ og Víkingur - eftir leiðslur í fyrru dystunum - vórðu sligin út í 3. umfari í Conference League.

Tað sveið helst serliga hjá KÍ, sum var á odda 2-0 samanlagt, tá 78 minuttir vóru farnir av seinna dystinum og at enda tapti eftir brotssparkskapping.

Sí eisini: Bæði føroysku feløgini fullu í 3. umfari

Vónbrotnir víkingar takka fjepparum sínum í Belfast eftir 2-0 tapið fyri Linfield (Mynd: Sverri Egholm)

Keddir KÍ'ararir í Ungarn eftir brotssparkskappingina, sum Neman Grodno vann 5-4 (Skíggjamynd: SolidSport)

Nú snýr tað seg um hjá KÍ at tryggja sær føroyameistaraheitið og hjá Víkingi at tryggja 4. plássið og harvið Evropa aftur næsta ár. Liðini spæla eisini steypafinalu móti hvørjum øðrum síðst í oktober.

Í kvøld klokkan 18.30 er særda KÍ-liðið í Gundadali, har B36, sum er í ringari gongd men kappast við Víking um 4. plássið, tekur ímóti.

Samstundis spæla Víkingur og NSÍ í Sarpugerði. Hjá Víkingi er tað nú uttan Poul Kallsberg og sum skilst eisini Atla Gregersen.

Lagt er upp til tveir dystir, ið sanniliga kunnu gerast spennandi. FM1 sigur frá báðum - til ber at fylgja við ovast á Portalinum.

Hetta eru seinastu dystirnir í 19. umfari í Betrideildini

Betrideildin 19. umfar

Í dag, mánadagin 18. august
18.30: 
B36 - KÍ
Víkingur - NSÍ

Betrideildin 19. umfar
Leygardagin 16. august
EB/Streymur - TB 2-2 (0-1)
Sí meira um dystin her

Sunnudagin 17. august
B68 - FC Suðuroy 1-1 (1-1)
Sí meira um dystin her

HB - 07 Vestur 3-0 (0-0)
Sí meira um dystin her

Les eisini: Suðuroyarfeløgini eitt stig longur frá 07 Vestur

Støðan: