KÍ stendur aftur fyri stroyming

Í kvøld skal KÍ onkursvegna royna at syrgja fyri at uppgerðin við svensku meistararnir Malmö FF er á lívi undan seinna dystin, sum verður við Djúpumýru um eina viku.

Tann dystin vísir Kringvarpið sum skilst. Dysturin í kvøld kann síggjast á tv.ki.fo fyri eitt gjald.

Tað kostar 149 krónur, um ein er staddur í Føroyum og vil síggja føroysku og svensku meistararnar stríðast í Skåne.

KÍ hevur lokalt frásøgufólk og viðmerkjarar. Eins og til útidystin móti Differdange siga Regin Sivertsen og Eyðun Klakstein frá.

Nú verður eisini upptakt, sum byrjar hálvan tíma áðrenn dystin - klokkan 17.30. Har fara fyrrverandi spælararnir hjá KÍ at siga sína hugsan um dystin. Talan er um Meinhardt Joensen og Atla Danielsen, sum hava spælt nógv og vunnið nakað við KÍ - og við B36.

Meinhardt Joensen við FM-steypinum eftir sín seinasta dyst í 2022 (Savnsmynd: Bjarni Enghamar)

Her í evropeiskum dysti í júst Svøríki í 2017 (Mynd: EPA)

Champions League 2. umfar, fyrri dystur
Eleda leikvøllurin, týsdagin 23.07
18.00: Malmö FF - KÍ

Stroyming: tv.ki.fo

Portalurin hevur fólk á staðnum í Svøríki, og ymiskt tilfar kemur harfrá í dag.