Hondbóltur

KÍF vitjar í Klaksvík í kvøld

Sunndagin vunnu kollfirðingar greitt, tá Team Klaksvík var í Kollafirði.

Team Klaksvík og KÍF spæla fyri aðru ferð innanfyra fýra dagar
(Mynd: Jóanis Albert Nielse/ jn.fo)

Team Klaksvík og KÍF spæla fyri aðru ferð innanfyra fýra dagar (Mynd: Jóanis Albert Nielse/ jn.fo)

2018-12-05 15:36 Author image
Agnar Frederiksen

Ein dystur í Okkara-deildini er á skránni í kvøld. Hann verður i Badmintonhøllini í Klaksvík, har Team Klaksvík tekur ímóti KÍF.

Team Klaksvík hevur bert fingið stig einaferð í ár; tað var á heimavølli móti StÍF seinast í september. KÍF hevur fimm stig fleiri, hevur vunnið tvær ferðir á H71 og spælt nógvar tættar dystir móti ovaru liðunum.

Liðini hittust fyri trimum døgum síðani í Kollafirði; tá vóru kollfirðingar greitt omaná og vunnu 31-23. KÍF er eisini favorittur í Klaksvík í kvøld og kann við einum sigri koma framum StÍF. 

Team Klaksvík upplýsir, at tað er ókeypis atgongd til dystin sum byrjar klokkan 20.00.