Kostaði næstan 20 milliónir pund at koyra Mourinho

Tað gjørdist dýrt hjá Manchester United at koyra fyrrverandi venjara Jose Mourinho.

Í nýggjasta roknskapinum hjá felagnum sæst, at tað Manchester United rindaði 19,6 milliónir pund fyri at sleppa sær av við Jose Mourinho og hansara menn.

Mourinho bleiv koyrdur í desember, og Ole Gunnar Solskjær varð settur í hansara stað.

Sjálvur fekk Mourinho 15 milliónir pund, tá hann varð koyrdur. Hini 4,6 milliónir pundini fingu aðrir persónar í venjarahópinum hjá Mourinho.