Kringvarpið framskundar Dag og viku

Barnasendingar og tíðindasendingar í sjónvarpinum hjá Kringvarpinum verða nú framskundaðar, so fólk kunnu síggja beinleiðis HM-fótbólt.

Tað boðar Kringvarpið frá heimasíðuni í dag.

Hetta er tí, at bólkaspælið nú er um at vera liðugt, og nógvir spennandi dystir eru fyri framman. Sendingar á skránni verða framskundaðar ein hálvan tíma, soleiðis at tað ber til at vísa beinleiðis HM-fótbólt í sjónvarpinum og ikki einans á heimasíðuni. 

Les eisini: Kringvarpið sendi heldur bandað møti enn HM-dyst

Tað merkir, at barnasendingarnar, sum vanliga byrja klokkan 18.00, verða framskundaðar til klokkan 17.30. Dagur & Vika, sum vanliga verður sent hvønn gerandisdag uttan mikudag klokkan 19, verður tí á skíggjanum klokkan 18.30. 

Yvirlit sæst á kvf.fo her