Fótbóltur

KVF sleppur ikki at vísa hæddarpunkt á heimasíðuni

Televarpið hevur keypt rættindini frá FSF, og tað forðar fyri, at kvf.fo kann vísa hæddarpunkt frá Betrideildini.

B36 og Skála her í dysti seinasta sunnudag (Savnsmynd: Ólavur Frederiksen / Faroephoto)

B36 og Skála her í dysti seinasta sunnudag (Savnsmynd: Ólavur Frederiksen / Faroephoto)

2019-03-17 14:52 Author image
Sverri Egholm
placeholder

Kringvarpið sleppur ikki longur at vísa hæddarpunkt frá Betrideildini á heimasíðu sínari kvf.fo. Tað skrivar Kringvarpið í dag.

Orsøkin er, at Televarpið og Føroya Tele hava keypt rættindini frá Fótbóltssambandi Føroya, og avtalan forðar fyri, at public service-miðilin nú kann vísa hæddarpunkt á heimasíðuni.

Seinnu árini hevur 3-2-manningin annars lagt seg eftir at leggja hæddarpunkt á netið sum skjótast, og longu sunnukvøld hevur borið til at sæð mál og hendingar úr flestu dystum.

Men nú mugu kringvarpshyggjarar altso noyðast við at síggja hæddarpunkt í 3-2 mánakvøldið.

(Annars ber til at fylgja dystunum í Betrideildini í dag á forsíðuni. Trýst á dystirnar fyri at síggja málskjúttar)

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder