Kyndil vann oddadystin

Fult umfar er á skránni í dag, bæði í SMS-deilduni hjá kvinnum og Okkara-deildini hjá monnum.

Í høllini á Hálsi var oddadystur í SMS-deildini, tá Kyndil tók ímóti VÍF. Liðini lógu undan dystinum jøvn í oddinum við átjan stigum hvør. Her var tað Kyndil sum fór avstað við sigrinum í einum sera málríkum dysti, tá tær grønu vunnu dystin 32-27 eftir hálvleiksstøðuna 15-14. Við sigrinum kemur Kyndil uppá 20 stig, og eru nú tvey stig frammanfyri VÍF á øðrum plássi.

Myndir frá dystinum

Í ítróttarhøllini á Skála hittust tvey tey niðastu liðini i deildini, tá StÍF tók ímóti VB. Her endaði tað við einum óvæntaðum sigri til gestirnar úr Vági, ið fingu sín fyrsta sigur í ár. VB vann dystin 26-28 eftir hálvleikstøðuna 12-13.

Í Klaksvík er ein dystur í gongd í løtuni, har Stjørnan og H71 spæla, har var hálvleiksstøðan 7-10.

SMS-deildin:

Kyndil – VÍF 32-27 (15-14)

Toppskjútti: Súna Krossteig Hansen 10

STÍF – VB 26-28 (12-13)

Toppskjútti:

Haruka Gima 12

Klokkan 15.00

Stjørnan – H71

Støðan:
1. Kyndil 20 stig 
2. VÍF 18 stig
3. H71 14 stig
4. Neistin 14 stig
5. Stjørnan 8 stig
6. StÍF 6 stig
7. VB 2 stig