Ingi Samuelsen
Málverjin á føroyska hondbóltslandsliðnum, Nicholas Satchwell, stendur fyri at skula halda seg burtur frá hondbólti í upp móti einum ári. Orsøkin er ein álvarsligur skaði á fremra krossbandi, boðar felag hansara, Lemvig-Thyborøn Håndbold frá.
Málmaðurin, sum júst stóð fyri at skula flyta til Danmarkar eftir at hava spælt hondbólt í Noregi í eina tíð, hevur tískil valt at siga upp sáttmálan við Lemvig-Thyborøn Håndbold.
Sjálvur sigur Satchwell við heimasíðuna hjá felagnum:
- Eg harmist um støðuna, og hevði veruliga sæð fram til at gerast partur av felagnum, sum eg havi fingið eitt gott inntrykk av her í byrjanini. LTH hevur ein serligan felagsanda. Familjan hevur eisini glett seg til at flyta til Lemvig. Men við skaðastøðuni í huga, hava vit valt at siga sáttmálan upp og verða búgvandi í Føroyum.
Í LTH harmast tey eisini um støðuna.
- Fyrst av øllum harmast vit vegna Nicholas, men vit skilja væl støðuna, og at familjulívið skal hanga saman. Vit ynskja Nicholas alt tað besta í framtíðini og við endurvenjingini, sigur stjórin í felagnum, Simon Vangsgaard.
Felagið er beinanvegin farin í gongd við arbeiðið at finna ein annan málverja.
Les eisini: Góð avgerð at gerast føroyingur
Vinarliga broyt tínar kennifíla - og privatlívsstillingar fyri at síggja hetta innihald