Fótbóltur

Leivur er aftur í HB

18-ára gamli Leivur Fossdal Guttesen hevur skrivað undir ein tvey-ára sáttmála við barndómsfelagið. Álopskendi leikarin hevur seinastu tvey árini roynt seg í SønderjyskE.

Leivur, her í dysti fyri føroyska U19-landsliðið móti Fraklandi í Køge í november (Mynd: Sverri Egholm)

Leivur, her í dysti fyri føroyska U19-landsliðið móti Fraklandi í Køge í november (Mynd: Sverri Egholm)

2020-06-26 19:57 Author image
Agnar Prestá
placeholder

Havnar Bóltfelag boðar í dag frá, at 18-ára gamli Leivur Fossdal Guttesen hevur undirskrivað ein tvey-ára sáttmála við felag.

– Hetta er ein ungur og spennandi leikari, sum vit nú fáa heim aftur. Hann hevur fingið góða fótbóltsuppaling í einum Superliga-felagi, og vit skulu nú hjálpa honum at menna seg enn meira

Hetta sigur Jens Berthel Askou, høvuðsvenjari, í stuttari viðmerking við heimasíðuna hjá HB.

[object Object]
Mynd: hb.fo

Leivur er uppvaksin í HB, men fór í 2018 til Danmarkar at royna seg í SønderjyskE. Nú hevur hann avgjørt at koma heim aftur.

Talan er um ein skjótan, driblisterkan og málsóknan leikara, sum spælir á framrættaðu plássunum. Leivur Guttesen hevur umboðað Føroyar á U15, U17 og U19-landsliðnum, har hann samanlagt hevur spælt 17 dystir sambært FaroeSoccer. 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder