Hondbóltur

Liðini hjá H71 vunnu sær fyrimunin

Kvinnurnar vunnu við einum máli á Neistanum, meðan Brian Slyne og hinir vunnu 23-21 í Kollafirði. Hesar uppgerðir verða avgjørdar í Hoyvík leygardagin - tvær hálvfinalur verða spældar í kvøld.

Tað var kanska serliga verjuparturin hjá H71, sum gjørdist avgerandi seinastu løtuna og legði grundarlagið fyri, at hoyvíkskvinnur kundu avgera hálvfinaluna á Hálsi í seinasta sekundi (Mynd: Sverri Egholm)

Tað var kanska serliga verjuparturin hjá H71, sum gjørdist avgerandi seinastu løtuna og legði grundarlagið fyri, at hoyvíkskvinnur kundu avgera hálvfinaluna á Hálsi í seinasta sekundi (Mynd: Sverri Egholm)

2025-02-13 10:31 Author image
Agnar Prestá
placeholder

Tvær tær fyrstu av teimum samanlagt átta hálvfinalunum í Faxe Kondi-steypakappingunum hjá teimum vaksnu vórðu spældar í gjár.

H71 var á útivølli í báðum dystunum og vann tveir teprar sigrar.

Á Hálsi vóru neistakvinnur annars á odda 20-16, tá eitt korter restaði í. Tað hevði gingið heldur striltið hjá H71 at skjóta mál; millum annað tí útiliðið misnýtti fýra brotskøst móti Yui Shibuya.

Seinastu løtuna skoraðu Elsa Egholm, Karin Egholm og Maria Halsdóttir Weyhe tó tvey mál hvør, meðan tær í bláum bert skoraðu einaferð móti sterka H71-verjupartinum við Mariu Beder í málinum. Tað var eitt mál frá Mariu Weyhe í síðstu sekundunum, sum endaliga avgjørdi hendan fyrra dystin.

[object Object]
Hoyvíkskvinnur fegnast eftir málið, sum Maria H. Weyhe skoraði við snildum skoti í 7 móti 6 spæli  (Mynd: Sverri Egholm)

[object Object]Maria Beder kom inn og hevði nakrar týðandi bjargingar fyri H71 (Mynd: Sverri Egholm)

Sí fleiri myndir frá spennandi dystinum her

Einki er tó avgjørt undan seinna dystinum, og soleiðis er eisini við uppgerðini hjá monnum.

Tað var ógvuliga tætt allan vegin millum KÍF og H71, men Brian Slyne gjørdist at enda avgerandi í Kollafirði. Bakkurin skoraði tvey tey seinastu málini í dystinum, til 21-22 og 21-23, og skoraði hann harvið samanlagt tólv mál í fyrri hálvfinaluni.

Í kvøld spæla hini fýra liðini sínar fyrru hálvfinalur. Til ber at stroyma mansdystin (Kyndil - VÍF klokkan 20) á kvf.fo. Allar hálvfinalurnar kunnu stroymast fyri eitt gjald ella við haldi á live.hsf.fo

Fylg við livescore á Portal.fo-forsíðuni til allar dystirnar í bestu deildunum og steypakappingini.

Hálvfinalur hjá kvinnum

Í gjár, mikudag 12. februar
Neistin – H71 21-22 (11-12)
Toppskjúttar: Bjørk F. Joensen 7 mál (Neistin), Elsa Egholm 6 mál (H71) 

Í dag, hósdagin 13. februar
18:00 Kyndil – Stjørnan

Seinnu dystirnir:

Leygardagin 15. februar
17:00 H71 – Neistin

Sunnudagin 16. februar
15:00 Stjørnan – Kyndil


Fylg við livescore á Portal.fo-forsíðuni til allar dystirnar í bestu deildunum og steypakappingini.


Hálvfinalurnar hjá monnum

Í gjár, mikudag 12. februar
KÍF – H71 21-23 (10-10)
Toppskjútti: Brian Slyne 12 mál (H71) 

Í dag, hósdagin 13. februar
20:00 Kyndil – VÍF (KVF stroymir)

Seinnu dystirnir:

Leygardagin 15. februar
19:00 H71 – KÍF

Sunnudagin 16. februar
19.00: VÍF – Kyndil

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder