Liverpool kann økja um munin aftur

Oddastríðið í Premier League í ár er sum ein nevaleiksdystur ímillum tveir tungvektarar. Slag fyri slag stríðast liðini - umfar eftir umfar. Í seinastu viku sá Manchester City út til at hava nærum fingið eitt knock-out slag, tá Rafa Benitez og Newcaslte yvirraskandi slóu til. Kvøldið eftir fekk Leicester tó eitt stikk inn á Anfield, og Liverpool og City fóru aftur í hvør sítt hjørn við næstan somu úrtøku í 24. umfari.

Í gjár reisti meistararnir frá í fjør seg við tryggum sigri á Arsenal. Tað var Sergio Aguero, sum var stóri maðurin, og harvið er trýstið aftur á Liverpool

Les eisini: Aguero søkti Arsenal

Tað er á Olypmiska leikvøllinum í London, at Liverpool skal royna at leggja seg á odda við fimm stigum aftur. Í fyrsta umfari í ár vann Liverpool sanførandi 4-0, tá West Ham var á vitjan, og spurningurin er, um liðið hjá Klopp fær skúgvað liðið hjá Pellegrini eins lætt til viks hesuferð. 

Liverpool tyktist at vera uttan hugflog í javnleikinum ímóti Leicester seianst, men tá vóru umstøðurnar at spæla ikki tær bestu, tí nakað av kava var á vøllinum. Liverpool og City leggja í løtuni trýst á hvørt annað, og nú skulu teir reyðu svarað aftur, eftir at City vísti styrki í gjár.

Hjá Liverpool er Dejan Lovren framvegis úti, tveir langtíðarskaðar eru, og Trent Alexander-Arnold er ivasamur. Hjá West Ham mangla fleiri leikarar, og Marco Arnautovic, ið varð verandi í felagnum hóast hann ynksti at sleppa burtur, er ivasamur. 

20.00 West Ham - Liverpool 
           6'eren - Viaplay

Úrslitini í vikuskiftinum: 
Tottenham - Newcastle 1-0
Brighton - Watford 0-0
Burnley - Spouthampton 1-1
Chelsea - Huddersfield 5-0
Crystal Palace - Fulham 2-0
Everton - Wolves 1-3
Cardiff - Bournemouth 2-0

Leicester - Manchester 0-1
Manchester City - Arsenal 3-1

Stigatalvan í Premier League sær soleiðis út í løtuni:

* Ein dyst færri