Ljósið vann Fimleikafagnaðin

Tað gjørdist Fimleikafelagið Ljósið, sum fór avstað við sigrinum í Fimleikafagnaðinum, sum um vikuskiftið hevur verið í Norðurlandahúsinum.

Ljósið lýsti evni pátrúgv við framførslu um stjørnuspeki.

Hetta er átjandu ferð, at fagnaðurin er og fjórðu ferð, at Ljósið vinnur.

Norðurlandahúsið hevur verið karmur um eitt heilt serligt vikuskifti, har 500 íðkarar hava undirhildið og framført tríggjar sýningar fyri fullsettum sali.

Feløgini sum luttóku vóru Havnar Fimleikafelag, Klaksvíkar Fimleikafelag, Fimleikafelagið Støkk, Fimleikafelagið Flog og Fimleikafelagið Ljósið.