Luka Modric vitjar á Tórsvølli um eina viku

HM-silvur í 2018 og HM-bronsu, fyri aðru ferð í stutta "nýggja kapittlinum" hjá Kroatia, í 2022.

Í sínum tveimum fyrstu dystum í hesari HM-undankappingini hava kroatar vunnið 7-0 á Gibraltar og 5-1 á Kroatia. 

Tað verður ikki harvið hissini mótstøða, sum bíðar Føroyum næsta fríggjakvøld, 5. september,

Nærum 40 ár og framvegis stjørnan

Sum heild er hópurin hjá Zlatko Dalic, sum sæst niðast, krútsterkur. Kroatia hevur kanska ikki ein fullan hóp við spælarum, sum meginpartin av fótbóltsáhugaðum kenna út og inn, men allir spæla á høgum stigi.

Liðformaðurin er ikki av størstu monnum, og fyllur hann eisini 40 ár í september, men Luka Modric er uttan iva størsta stjørnan hjá Kroatia enn.

Eftir 13 glæsilig ár í Real Madrid, serliga við seks Champions League-heitum, skifti Modric í summar Madrid út við Milano. AC Milan-spælarin verður í næstu viku helst størsta fótbóltsnavnið at vija Føroyar í nógv ár - í øllum førum síðani Spania var her í 2019. Cristiano Rolando og Portugal vitjaði fyri skjótt níggju árum síðani.

Í 2018 vann frálíki miðvallarin størsta persónliga heiðurin í heiminum, Balon D'Or, umframt besta spælara í HM-endaspælinum, har Kroatia vann seg í finaluna.

Luka Modric saman við Zlakto Dalic við HM-bronsu í 2022. Saman hava liðformaður og vernjari vunnið tvey HM-heiðursmerki; hóast Kroatia er millum minnu londini, í mun til fólaktal í hesum høpi (Mynd: EPA)

 Ein annar royndur kroati, Ivan Perisic, vitjaði í fjør á Tórsvølli sum Hajduk Split-spælari. Talan var um Conference League-dyst móti HB, sum endaði við málleysum javnleiki

Kroatisti hópurin til HM-undankappingardystin móti Føroyum
Dominik Livaković, Fenerbahçe (Turkaland)
Ivica Ivušić, Hajduk Split (Kroatia)
Dominik Kotarski, FC København (Danmark)

Joško Gvardiol, Manchester City (England)
Josip Juranović, Union Berlin (Týskland)
Duje Ćaleta-Car, Real Sociedad (Spania)
Josip Šutalo, Ajax (Holland)
Josip Stanišić, Bayern München (Týskland)
Marin Pongračić, Fiorentina (Italia)
Martin Erlić, FC Midtjylland (Danmark)

Luka Modrić, AC Milan (Italia)
Mario Pašalić, Atalanta (Italia)
Lovro Majer, Wolfsburg (Týskland)
Martin Baturina, Como (Italia)
Kristijan Jakić, Augsburg (Týskland)
Petar Sučić, Inter (Italia)
Nikola Moro, Bologna (Italia)
Toni Fruk, Rijeka (Kroatia)

Ivan Perišić, PSV (Holland)
Andrej Kramarić, Hoffenheim (Týskland)
Ante Budimir, Osasuna (Spania)
Marco Pašalić, Orlando City (USA)
Franjo Ivanović, Benfica (Portugal)

Venjari: Zlakto Dalic (staðið á odda síðani 2017)

Atgongumerkjasølan til dystin millum Føroyar og Kroatia í HM-undankappingini hevur gingist væl. Tað er so at siga útselt á eystaru langsíðuni.

Sí eisini: Jóan Símun er aftur á listanum - fleiri KÍ'arar eru úti

Til ber at keypa atgongumerk itil Føroyar - Kroatia 5. september her