Málrevurin í álopinum heldur fram

Ein av ungu leikarunum á víkingaliðnum, sum fekk sítt gjøgnumbrot í 2021 er Martin Klein Joensen.

Martin hevur við sínum ágrýtni, skjótleika og góða avsetti, sett trýst á nógvar verjuleikarar hjá mótstøðuliðunum í ár, og tað bleiv til heili 10 mál uppá knappar 1100 minuttir fyri besta liðið, so tað verður spennandi at síggja, hvat hesin ungi leikarin kann bjóða uppá í framtíðini, skrivar Víkingur.

(Mynd: Sverri Egholm)

Felagið og Martin Klein Joensen hava longt sáttmálan við tveimum árum.

Víkingur hevur í ár fingið nógv rós fyri at trúgva upp á egið tilfeingi, og tað rakk til eitt triðja pláss í Betri deildini í ár við 60 stigum.