Manchester City kann leggja seg á odda í kvøld

Ein framskundaður dystur verður leiktur í Premier League í kvøld. Tað eru Everton og Manchester City, ið bresta saman. City skal spæla finalu í Carabao Cup 24. februar, Everton-City var á skránni ta vikuskifti,  og tí er hendan uppgerðin flutt.

Dysturin kann fáa stóran týdning í oddastríðnum, tí fær City trý stig, so koma meistararnir undir liðuna á Liverpool í stigum. Liðið hjá Guardiola hevur betri málúrtøku, so oddasessurin kann fylgja við úr Liverpool í kvøld. Hetta kann hava stóran sálarligan týdning. Liverpool hevur spælt tveir javnleikir á rað, har liðið hevur sæð heldur tungt út og uttan íblástur. 

Les eisini: Guardiola: United og Chelsea eru framvegis við í stríðnum um meistaraheiti

Manchester City hevur eisini mist stig nakrar feðir í seinastuni, men tá liðið hevur vunnið, hevur tað verið sannførandi. Uppgávan í kvøld er ikki ímillum tær lættaru, hóast City er greiðir favorittur á pappírinum. Everton liggur á 9. plássið, og spælir mest fyri einum møguligum evropeiskum plássi. Tað eru ellivu stig niður til strikuna.

Tá liðini hittust í Manchester mitt í desember, vann City 3-1.

19.45: Everton - Manchester City
6`arin - Viaplay

Støðan eftir 25 umfør