Fótbóltur

Manchester City kann økja í oddinum

Sjey dystir í 30. umfari í Premier League eru á skránni í dag.

Aguero og City taka í dag ímóti Watford og kunnu leggja seg fýra stig á odda í Premier League
(Mynd: EPA)

Aguero og City taka í dag ímóti Watford og kunnu leggja seg fýra stig á odda í Premier League (Mynd: EPA)

2019-03-09 10:44 Author image
Agnar Prestá
placeholder

Umførini minka so spakuliga, og spenningurin hækkar so hvørt. Níggju umfør eru eftir at leika í Premier League, og tað er tætt í oddinum; um meistaraheiti og um Champions League-plássini, og tað kann eisini gerast spennandi rundanum niðurflytingarstrikuna. 

30. umfar - Leygardagur 09.03:
12.30: Crystal Palace - Brighton

15.30: Cardiff - West Ham
          Huddersfield - Bournemouth 
          Leicester - Fulham
          Newcastle - Everton
          Southampton - Tottenham

17.30: Manchester City - Watford

Merkisvert er, at øll liðini í niðaru hálvu uttan Burnley skulu í eldin í dag. Liðini rundanum miðjuna, og fleiri lið ið kunnu koma í trupulleikar spæla seinnapartin.

Í London kann Palace koma burtur frá botnstríðnum, meðan Brigton kann verða hála meira inn í tað. Fulham og Huddersfield eru í ógvuliga stórum trupulleikum og hava harðliga tørv á stigum. Cardiff er eisini undir strikuni í løtuni og spælir týðandi dyst móti West Ham í Wales í dag. 

Størsti dysturin í umfarinum er á Old Trafford í morgin, har Arsenal er á vitjan. Hetta er ein týðandi dystur í stríðnum um Champions League-pláss. Í dag spæla tvey topp-6 lið. Tottenham kann økja um munin í stríðnum um topp-fýra plássini. Liðið hevur ikki vunnið seinastu tríggjar dystirnar í Premier League, men vann í Dortmund týskvøldið og spældi seg víðari í Champuins League. Uppgávan í dag er als ikki løtt; Southampton er á heimavølli og stríðist fyri lívinum í botninum. 

Manchester City gjørdist nýtt oddalið seinasta vikuskifti, tá liðið hjá Guardiola vann í Bournemouth, eftir at hava havt bóltin yvir 80 % av tíðini og ikki fingið nakað skot ímóti sær. Dagin eftir spældi Liverpool javnleik í Merseyside-grannauppgerðini, og nú liðini hava leikt eins nógvar dystir, er meistaraliðið frá í fjør eitt stig frammanfyri. City er stórfavorittur á heimavølli í dag og kann økja um frástøðuna til og trýstið á Liverpool, ið spælir í morgin.

Manchester City

 

71 stig

2


Liverpool 

 

70 stig

3

Tottenham Hotspur 

 

61 stig

4

Manchester United

 

58 stig

5

Arsenal 

 

57 stig

6

Chelsea *

 

56 stig

7

Wolverhampton 

 

43 stig

8

Watford 

 

43 stig

9

West Ham

 

39 stig

10

Everton 

 

37 stig

11


Leicester 

 

35 stig

12

AFC Bournemouth

 

34 stig

13

Crystal Palace 

 

33 stig

14

Newcastle 

 

31 stig

15

Brighton & Hove Albion *

 

30 stig

16

Burnley

 

30 stig

17

Southampton

 

27 stig

18

Cardiff

 

25 stig

19

Fulham 

 

17 stig

20

Huddersfield Town 

 

14 stig

* Ein dyst færri



 

placeholder
placeholder