Mikkjal og teir duttu av triðja plássinum við tapi móti botnliði

Eftir eina frálíka byrjan uppá kappingarárið, hevur tað verið meira sveiggj hjá AIK Stockhólm og føroyska venjara felagsins seinastu mánaðirnar.

Liðið misti takið í meistarastríðnum og fór út í 3. umfari í Conference League í ávikavist juli og august. Sìðani vann AIK tríggjar dystir á rað í Allsvenskan, og hevur liðið ligið á evropeiskum plássi alt árið.

Í dag gjørdist tó talan um marudyst hjá Mikkjali Thomassen og hansara monnum. Eftir 26 minuttir stóð 0-3 á máltalvuni á Strawberry Arena í Solna. Värnamo skoraði tríggjar ferðir innan tólv minuttir, og botnproppurin í Allsvenskan fekk trý stig við sær.

Mikkjal Thomassen skifti tvær ferðir út í 1. hálvleiki. Seinni maðurin, sum hann setti inn - Erik Hovden Flataker - skoraði tvær ferðir eftir steðgin, men tað var ikki nóg mikið.

AIK fór triðja dystin á rað av vøllinum uttan at vinna, og liðið sum hevur tíggju stig upp til strikuna.

Eftir tapið er AIK ikki longur á 3. plássi, sum heilt víst gevur atgongd til Conference League. GAIS hevur yvirhálað og er eitt stig frammanfyri, Mikkjal Thomasen og teir eru numar fýra, nú fýra umfør resta í av Allsvenskan.