Sverri Egholm
Mikkjal Thomassen hevur skrivað undir nýggjan langtíðarsáttmála sum er galdandi til og við kappingarárið 2025.
Tað var í 2014, at KÍ og Mikkjal Thomassen skrivaðu undir á fyrsta sinni, og síðani hevur KÍ verið í oddinum í føroyskum fótbólti.
- Málið var greitt, KÍ skuldi kappast í oddinum hvørt ár. Hetta má sigast at verða væleydnað, tí seinastu fimm árini er liðið hjá Mikkjal endað í topp fýra, sum gevur rætt at luttaka í evropeiskum fótbólti.
- Hæddarpunktini eru steypafinalan í 2016, FM finalan í 2019 og Europa League playoff í 2020.
- Góðu avrikini í evropa hava vunnið felagnum stórar peningaupphæddir sum hava gjørt tað møguligt at gera íløgur í felganum og tryggja góðar karmar í framtíðini. Eitt nú vóru 1,5 mió kr. settar í eitt framsøkið fótbólts akademi fyrr í ár. Akademiið skal tryggja bestu karmar og venjing til okkara ungu leikarar soleiðis at vit kunnu fáa enn fleiri topp leikarar upp á okkara besta lið, skrivar KÍ.
Nógv bendir á, at KÍ fer at vinna FM í ár. Klaksvíkingar liggja fremst í Betri deildini hjá monnum við 40 stigum.
Vinarliga broyt tínar kennifíla - og privatlívsstillingar fyri at síggja hetta innihald