2021-02-24 16:31
Agnar Prestá
Agnar Prestá
Lagið er gott í Mjølnir-leguni, nú steypafinalan av álvara nærkast. Í gjár vann liðið 3-2 á Fleyr í seinasta dystinum undan brakinum móti ÍF - sum verður í somu høll, sum dysturin í gjár varð leiktur.
Liðini skiftust um at vinna hvør síni tvey sett. Fimta og avgerðandi settið vann Mjølnir 15-8.
Hjá Mjølni vórðu kortini blandaði eitt sindur ígjøgnum dystin, og 16-ára gamli Kári Lindberg Müller fekk sínar fyrstu bóltar á besta mansliðnum hjá Mjølnir, og hann stóð seg væl.
Mjølnir eru á odda í Meistaradeildini hjá monnum og hevur longu vunnið sær pláss í FM-finalunum, ið verða fyrst í apríl.
Steypafinalan verður leikt leygardagin og tá tekur Mjølnir ímóti ÍF í høllini á Hálsi.
Fleyr 2-3 Mjølnir
Settúrslit: 29-31, 25-23, 11-25, 25-17 og 8-15
Settúrslit: 29-31, 25-23, 11-25, 25-17 og 8-15
Vinarliga broyt tínar kennifíla - og privatlívsstillingar fyri at síggja hetta innihald