Myndir: Føroyingar við seinastu fyrireikingunum í Fram-høllini

Reykjavík, Ísland (Portalurin): Føroyska liðið hevur júst vant í dystarhøllini. Dánjal Ragnarsson hevur vanliga heimavøll her, og skuldi av røttum spælt evropeiskan dyst, sum ein av profilunum hjá Fram, í Lambhagahøllin móti Porto í kvøld.

Men føroysk bakspælarin hevur ein fipurskaða, og tískil noyðist Dánjal at hyggja at. Dánjal Ragnarsson var eisini ein túr framvið í Lambhagahøllini, tá Føroyar vandu - hann hevði fingið viðgerð og skuldi venja eitt sindur sjálvur.

Á bláa gólvinum fyrireikaðu føroysku kvinnurnar uppá týðandi uppgávuna móti Íslandi í morgin. Talan er um fyrsta dystin í nýggju EM-undankappingini.

Tað var serliga álopsspælið, sum var í miðdeplinum í dag, og Claus Mogensen fekk liðið at arbeiða við ymiskum loysnum. Harav var 7 móti 6.

Maria Pálsdóttir Nólsoy vandi við eina løtu. Ein av føroysku álopsprofilunum er darvað av økslini, sum hon fekk eitt slag í, í dysti í Danmark fríggjakvøldið. Í gjár vandi Maria als ikki við, men í dag vóru nøkur jalig tekin. So er spurningurin, hvussu stóran leiklut hon fær í annaðkvøld.

Sí myndir, ið Sverri Egholm tók í Lambhagahøllini, niðanfyri

HM-undankappingarbólkurin: 
Montenegro
Ísland
Portugal
Føroyar

Í morgin, mikudagin 15. oktober
20.30: Ísland - Føroyar