Myndir: Føroyingarnir fingu flutt seg í dystarhøllini

Bregenz, Eysturríki (Portalurin) - Klokkan nærkaðist níggju lokala tíð, tá grøni innandurabólturin kom fram í Handballhalle Bregenz, og føroyski A-landsliðshópurin fór at spæla stuttan fótbóltdyst. Tað snúði seg um at hita eitt sindur upp, at menninir fingu flutt seg nakað, so túrurin so smátt, og so eisini at vinna: Eins og í undanfarnu venjingum vunnu teir eldru greitt, og teir kunnu harvið prika teir yngri uppaftur meira um hetta.

Eftir hetta var tað meira upphitingsspæl – hesaferð við einum hondbólti – áðrenn málverjarnir skuldu hitast upp, og útispælararnir fóru at skjóta eitt sindur. At enda hevði Peter Bredsdorff-Larsen eina taktiska gjøgnumgongd, har tað serliga varð arbeitt við verjuspælinum.

Hjá Føroyum snýr tað seg um at royna at fáa stig her í Eysturríki. So er atgongumerki til EM-endaspælið tryggjað. Um tað ikki eydnast, skulu okkara vóna at úrslitini í millum annað hinum dystinum í bólkinum fella til okkara fyrimun.

Sí eisini: 
Soleiðis koma Føroyar til EM
Endiliga komnir uppá pláss í Eysturríki 
Hákun: - Deiligt at vera leingi í Føroyum - hava fingið fleiri upplivingar