Annað

NM: Føroyingarnir skulu á pallin í Runavík í kvøld

Klokkan 15 byrjar NM í olympiskari vektlyfting í Bylgjuni. Niels Áki Mørk og Pól Hendrikur Andreasen kappast frá 17.30. Ókeypis atgongd er - annars kann stroymast.

Tað eru Niels Áki Mørk og Pól Hendrikur Andreasen, sum tíðliga í kvøld umboða Føroyar í norðurlandameistarakappingini (Mynd: Føroya Styrkisamband)

2024-10-18 10:01

Agnar Prestá

Í dag, fríggjadagin tann 18 oktober, byrjar NM av álvara. 75 lyftarar fara um vikuskiftið at kappast um norðurlendska meistaraheitið í olympiskari vektlyfting, sum á fyrsta sinni er í Føroyum.

Sí annars meira á fss.fo

Føroya Styrkissamband skrivar, at tá fimleikaliðini hjá Støkk vóru liðug við sínar venjingar týskvøldið, byrjaði arbeiðið við at gera Bylgjuna til reiðar.

Nú sær hølið heilt øðrvísi út og er til reiðar at nýta til kappingina um norðurlandameistaraheitið - og gólvið kann halda til tungu vektirnir.

FSS upplýsir, at tað er ókeyps atgongd í Bylgjuna at hyggja eftir NM í Olympiskari vektlyfting.

Annars ber til at stroyma á kvf.fo/live/2 - Kringvarpið og Ømedia samstarva um stroyming.

- Niels Juel Arge, bronsuvinnari í HM fyri masters kemur at viðmerkja, saman við øðrum kendum rødum.

Sjálv kappingin byrjar klokkan 15:00 við kvinnunum í -55kg flokinum og -59kg flokkinum.

Pól Hendrikur Andreasen (Mynd: fss.fo)

Kl 17:30 koma føryingarnir á pallin. Tað eru Niels Áki Mørk og Pól Hendrikur Andreasen, sum skulu vísa sínar kysntir. Teir báðir koma allarhelst at kappast um bronsuna ímóti einum grovum finna, staðfestur Styrkissambandi.

Klokkan 19:30 skulu -64kg kvinnurnar lyfta. Har eru millum bestu lyftarinir í Evropa við. Í morgin, leygardagin, er langi kappingardagurin á stevnuni.

Vinarliga broyt tínar kennifíla - og privatlívsstillingar fyri at síggja hetta innihald