NSÍ vann stórsigur

Annað umfar í Betri Deildini hjá Kvinnum er á skránni um vikuskiftið. Fríggjakvøldið leiktu Víkingur og KÍ javnleik í Sarpugerði.

Í Dag eru tveir dystir leiktir. Á Skála vann EBS/Skála 2-1 á 07 Vestur.

Á Sandi tók AB/B71 ímóti NSÍ. Heidi Sevdal legði NSÍ á odda longu í sætta minutti. Tað var tað einasta málið fyri steðgin. AB/B71 megnaði eisini at halda NSÍ frá at skora fyrstu tjúgu minuttirnar av seinna hálvleiki, men so skrædnaði í verjupartinum hjá AB/B71, tá NSÍ skoraði fýra mál uppá seks minuttir. Fyrst økti Unn Hvidbro til 0-2 og 0-3, áðrenn Heidi Sevdal og Leila Pætursdóttir skoraðu til ávikavist 0-4 og 0-5. Í yvirtíðini staðfesti Unn Hvidbro sigurin, tá hon skoraði til 0-6 og harvið fekk sítt hattrick.

Í morgin er grannauppgerð í Havn, tá HB tekur ímóti B36.

Betri Deildin Kvinnur

Fríggjadagin 26. mars

Víkingur – KÍ 0-0

Leygardagin 27. mars

EBS/Skála - 07 Vestur  2-1

AB/B71 – NSÍ 0-6

Sunnudagin 14.00

14.00: HB - B36

Støðan

EBS/Skála 6 stig
KÍ 4 stig
Víkingur 4 stig
HB 3 stig
NSÍ 3 stig
B36 0 stig
07 Vestur 0 stig
AB/B71 0 stig