Fótbóltur

NSÍ avlop upp á 777.000 krónur fyri 2024

Hetta var eitt nógv betri úrslit enn væntað - yvir eina millión betri enn framrokningarnar, skrivar felagið. Karstin Joensen heldur fram sum formaður felagsins, meðan Andrias Lamhauge takkaði fyri seg sum næstformaður.

Nevndin í NSÍ, har Jóhannes Nielsen (longst til vinstru), er tann nýggi persónurin (Mynd: Nes Sóknar Ítróttafelag)

Nevndin í NSÍ, har Jóhannes Nielsen (longst til vinstru), er tann nýggi persónurin (Mynd: Nes Sóknar Ítróttafelag)

2025-02-21 10:51 Author image
Agnar Prestá
placeholder

Mikudagin 19. februar varð aðalfundurin hjá Nes Sóknar Ítróttafelag hildin, og har bar til at vísa á góð úrslit.

NSÍ hevði eitt gott kappingarár á vaksnamannasíðuni í 2024: Kvinnurnar vunnu á fyrsta sinni meistaraheitið og greipuna, og í uppflytingarári spældi besta mansliðið seg aftur í Evropa. Í formansfrágreiðing sínari legði Karstin Joensne eisini dent á hetta; umframt týdningin av ungdómsarbeiðinum og framtíðar menningararbeiðinum.

Júst Karstin Joensen er farin undir sítt triðja ár sum formaður í NSÍ. Klaksvíkingurin tók við beint eftir niðurflytingina í 2022. Hann stóð fyri vali hesaferð, varð afturvaldur og heldur fram sum formaður. 

Andrias Lamhauge og Herbjørg H. Jøkladal stóðu eisini fyri vali, umframt tiltakslimirnir Oddfríður Gaardbo og Wenzel Olsen. Av hesum var tað bert Andrias Lamhauge, sum ikki tók við afturvali.

- Formaðurin handaði fráfarandi næstformanni eitt heiðurstekin fyri trúfast íkast sum stuðul og starvsnevndarlim. Heiðurstekinið hevði Jón Ingi Tausen serframleitt til høvi, eftir ynski frá starvsnevndini, skrivar NSÍ.

[object Object]
Karstin Joensen, formaður, saman við Andrias Lamhaug, fráfarandi næstformanni (Mynd: Nes Sóknar Ítróttafelag) 

Jóhannes Nielsen varð skotin upp og valdur sum tann einasti nýggi limurin í NSÍ-nevndini. Høgni Lamhauge er nú næstformaður.

Nevndin skipaði seg soleiðis:
Karstin Joensen, formaður
Høgni Lamhauge, næstformaður
Herbjørg H. Jøkladal, kassameistari
Annika Klein, skrivari
Jóhannes Nielsen, nevndarlimur
Oddfríður Gaardbo, tiltakslimur
Wenzel Olsen, tiltakslimur

Ein góð millión betri enn væntað
Asfinnur Sigvardsen legði ársroknskapurin hjá NSÍ fram á fundinum, har Ken Nónklett var fundarstjóri.

Úrslitið av rokniskapurin vísti eitt avlop á eitt heldur serstakt tal: 777.000 krónur. 

Sambært NSÍ er hetta nógv betri enn væntað. Væntanirnar við ársbyrjan í fjør vóru eitt hall á knappar 300.000 krónur fyri 2024, men úrslitið var yvir eina millión betri enn hetta.

- Høvuðsorsøkin til hetta betraða úrslitið var, at tiltøkini, sum felagið hevur fyriskipað og luttikið í, hava skapt størri fíggjarligan vinning, enn roknað varð við.

Roknskapurin varð einmælt góðkendur, skrivar NSÍ eisini.

Í vetur hevur NSÍ gjørt ymiskar íløgur í hópin hjá besta mansliðum.



placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder