Nú hava níggju kvinnur B-venjaraprógv

Í ár hava søguliga nógvar kvinnur lokið UEFA B-venjaraprógv.

Jacoba Langgaard, Rannvá B. Andreasen, Elisabeth Haraldsen og Bára Joensen hava allar lokið útbúgvingina í heyst, og frammanundan vóru fimm kvinnur á listanum yvir venjarar við UEFA B prógvi.

Men enn er tørvur á fleiri kvinnuligum venjarum, skrivar Fótbóltssambandið á heimasíðuni. Tí tekur FSF nú, saman við UEFA, stig til átakið “Venjaraleiðin”, har kvinnur við B1 prógvi kunnu søkja um luttøku.