Fótbóltur

Nýggjur miðvallari til NSÍ

Talan er um 31-ára gamla Alfred Sankoh, ið hevur spælt 15 landsdystir fyri Sierra Lione. Hann hevur seinasta árið spælt í næstbestu norsku deildini.

Sankoh skal royna at styrkja um miðvøllin hjá NSÍ (Mynd: nsi.fo)

Sankoh skal royna at styrkja um miðvøllin hjá NSÍ (Mynd: nsi.fo)

2019-12-26 17:40 Author image
Agnar Prestá
placeholder

NSÍ hevur eftir kappingarenda fingið Harald Reinert Højgaard og Jákup Jakobsen av Skála og Rògva Egilstoft Nielsen úr EB/Streymi. Tó stendur liðið til at missa fleiri umráðandi leikarar: Peder Nersveen og Einar Tróndargjógv og møguliga Pól Jóhannus Justinussen og Petur Knudsen eisini. 

Í dag hevur felagið, ið endaði á 3. plássi farna kappingarár, avdúkað ein nýggjan leikara. Alfred Sankoh skiftir úr norska felagnum Notodden, ið spælir í næstbestu deildini í Noreg.

Sankoh er úr Sierra Lione í Vesturafrika. Hann hevur umboðað A-landsliðið 15 ferðir, og frá 2015-2017 spældi hann í næstbestu turkisku deildini. Annars hevur hann spælt fyri Størmgodset í bestu norsku deildini, og í bestu deildini í Aserbadjan.

NSÍ skrivar á heimasíðu sínari, at nýggi maðurin í hópinum er sera royndur og sterkur. Partarnir hava gjørt sáttmála fyri 2020.

placeholder
placeholder