Hondbóltur

Okkara-deildin: VÍF rann frá Neistanum Í 2. hálvleiki

VÍF vann í kvøld oddadystin á útiivølli móti Neistanum.

VÍF var omaná móti Neistanum í kvøld - seinni hálvleikur var munurin
(Savnsmynd)

VÍF var omaná móti Neistanum í kvøld - seinni hálvleikur var munurin (Savnsmynd)

2018-10-20 20:55 Author image
Agnar Prestá
placeholder

Eftir kvinnudystin millum VÍF og Neistan fóru mennirnir hjá somu feløgum inn á vøllin í Høllini á Hálsi. Talan var um oddadyst.

Les eisini: Neistin javnaði út í evstu løtu

Fyrri hálvleikur var sera javnur, og tað var 13-13, tá liðini fóru at hvíla seg. Men VÍF kom út og skoraði fýra tey fyrstu málini í 2.hálvleiki, og tá hálvrunnið var, var munurin fimm mál. Neistin megnaði ikki, eins og kvinnuliðið frammanundan, at vinna seg innaftur í dystin, og tað endaði 29-23 til útiliðið. 

VÍF er framvegis ósigrað, og er rímiliga greitt oddalið í løtuni. Magnus Müller og Sjúrður Olsen gjørdist toppskjúttar hjá útiliðnum og í dystinum við sjey málum hvør. Filip Jojic skeyt 6 mál. Hjá Neistanum varð Tróndur Kragesteen toppskjútti við seks málum. 

Í morgin eru tveir dystir á skránni í Okkara-deildini. Kyndil og StÍF bresta saman í Høllini á Hálsi, og í Hoyvíkshøllini vitjar Team Klaksvík. Báðir dystirnir byrja klokkan 16.00.


Støðan í Okkara-deildini: 
VÍF 9 (5 dystir)
Neistin 6 (5 dystir)
Kyndil 6 (5 dystir)
H71 4 (4 dystir)
KÍF 3 (5 dystir)
StÍF 2 (4 dystir)
Team Klaksvík 2 (4 dystir)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder