Ólavur og César kappast í finaluni

Fyri góðum hálvum ári síðani varð Meistaradeildin í einstaklingakapping í pool sett í gongd - og nú verður meistarin fyri 2022 funnin.

Tað eru Ólavur Kjølbro og César Hora, sum kappast um meistaraheitið. César gjørdist nummar tvey í einstaklingakappingini í fjør. Ólavur Kjølbro er við fyri fyrstu ferð í ár.

Edmund á Borg Ferber spældi seg til triðja plássið í ársins kapping, tá semi-finalurnar vóru 28. juni.

Finalan byrjar klokkan 17 fríggjakvøldið. Áskoðarar eru vælkomnir.