Óli besti spælari í februar og toppskjútti í Svøríki

Hann skoraði átta mál í báðum teimum fyrstu EM-undankappingardystunum í november, har hann gjørdist í báðum førum gjørdist føroyskur toppskjútti.

Óli Mittún er eisini ovast á toppskjúttalistanum í fremstu svensku deildini. Eftir 25 umfør hevur 19-ára gamli hoyvíkingurin heili 169 mál.

Sí eisini: -Allar stjørnurnar savnaðar í stóru og nýggju høllini

Sí eisini: (Elias): -Nú gleða vit okkum bara til at spæla her

Tað gongst annars ikki serliga væl hjá Sävehof í løtuni. Liðið hjá Óla og Ísak Vedelsbøl tapti í Helsingborg leygardagin og er nú á 6. plássi. Tað fer at røkka til endaspælspláss, men í løtuni bendir ógvuliga litið á, at Sävehof endar við svenska meistaraheitinum.

Óli Mittún var ein lykil í ar fáa hetta í hús í fjør. Uppaftur meira hongur á unga hoyvíkinginum í ár, og hann roynir so at gera sítt.

Føroyski spælarin varð kosin besti spælari í Handbollsligaen fyri februar. Hann skoraði 34 mál í fýra dystum (beint yvir átta mál í miðal) og legði upp til 13 mál. Tað er Svensk Elithandboll, sum kjósar mánaðinnar spæalra.

Í annaðkvøld klokkan skal Óli Mittun aftur spæla fyri Føroyar, har hann eisini hevur stóra ábyrgd. Nú verður tað tó saman við millum annað systkinabarninum Eliasi Ellefsen á Skipagøtu í bakketuni.

Sí eisini: Tveir venjingar eftir undan brakinum við Tjarnir